الجمعة، مايو 16، 2014

أغنية احمد الفن

بتاريخ 9:24 م بواسطة عمار بن طوبال

هذه اغنية ثورية عن منطقة جيجل، إنها إحدى درر التراث الشعبي المنسي، وربما هي منسية عن قصد لأن فيها ذكر أسماء وشخصيات وقبائل مرفوقة بصفات بعضها سيء وقدحي ، وفيها اتهامات بالخيانة والعمالة للبعض.
إنها أغنية قد وجدت في خضم الثورة وكانت استجابة مباشرة لأحداث معينة عرفتها سيرورة الثورة الجزائرية بمنطقة جيجل، قد استمر تأدية هذه الأغنية في الأعراس إلى غاية السبعينات من القرن الماضي، وكل منطقة وقبيلة كانت تحذف من الاغنية ما يذكرها بسوء، لهذا توجد نسخ مختلفة من هذه الاغنية التي لا يزال يحفظها بعض كبار السن، وما سأورده هنا هو نسخة تجميعية من مجموعة نسخ جمعت من مناطق مختلفة من جيجل.
هذه الاغنية خاصة بسكان جيجل وفيها اسماء مناطق لا يعرفها حتى بعض سكان المنطقة بالإضافة إلى اللهجة المستعملة والتي قد تبدو غريبة وغير مفهومة لمن لا يعرفون اللهجة الجيجلية.

أحمد الفن 
حْمَد الفَنْ حمَد الفن غير فبلادو يَتْفَنَّنْ 
عَدِّينَا علاَ أسَكَّا لْقينا النَّسوين تَتْباكى 
و سَقْسيناهم عرّْجَال قالُو لَبْسو خوبَاتا 
ألا لا يَا لاَ لاَ لاَ 
حْمَد الفَنْ حمَد الفن غير فبلادو يَتْفَنَّنْ 
عَدِينا عَلحَرميَّة لْقينا البِيبان مْوَعِيَّة 
سَقسينا عرجال قالو لبسو حَرْكِية 
حْمَد الفَنْ حمَد الفن غير فبلادو يَتْفَنَّنْ 
عَدينا عزَّعْرُورة لْقينَا خمْسَة الدَّدْكُورَة 
سقسينا عرجال قالُو بَلكَلْ فالتُّورَة 
عَدِّينَا علتَفْلاَلَت لْقِينَا تَمَّ زُوجْ بْنَاتْ 
سْعَدِّينا بولحَيَة مات وهُوَّ ما زَالْ بالحَيَاةْ 
حْمَد الفَنْ حمَد الفن غير فبْلادو يَتْفَنَّنْ 
عدينا علحُوتْرا حَطونَّا سكْسُو نْتاع الدَّارْ 
كولْهَا ومْشِي فَليلْ ونُوض تْجاهد يا مسكين 
عدينا عَلْاْيلاط والكسْرة تَاع أَقرْواطْ 
و البَرْبُوش صْمَاط صْماطْ ومْشِينَا من تم هَارْبِينْ 
حْمَد الفَنْ حمَد الفن غير فبلادو يَتْفَنَّنْ
عَدِّينَا عَجبَلْ الحُوطْ لْقينَا الطَّمِين مَحْطُوطْ 
كُولْ وخمَّلْ فَلْكَبُوطْ ومْشِينَا مَنْ تَمَ زَاهْيِينْ 
حْمَد الفَنْ حمَد الفن غير فبلادو يَتْفَنَّنْ 
عدينا على ولاد صالحْ وحطُّونَا الطَّمِّينْ مَالحْ 
و الجُنُودْ تَمَ قويَّة خَصُّونَا دَمْغَارَف
عدينا عَزَّعْرُورَة حطُّونَا لَفْطاير قالَو كولو وزَرْبو 
لحقو بكوم الطّْياير 
حْمَد الفَنْ حمَد الفن غير فبلادو يَتْفَنَّنْ 
عدِّينَا عَلى شَادِّية وخَرْجُو وْرَانَا الدَريَّة 
حسبونا حركية وحنا جبنا الحرية 
عدينا على ولاد عسكر حطونا سَكسُو بالسَكَّر 
سقسينا عَرَّجَالْ قَالُو هرَبُّو لَلْجَبَلْ 
حْمَد الفَنْ حمَد الفن غير فبلادو يَتْفَنَّنْ 
فرْحُو فَرْحو يَا لَولَادْ 
فَرْحُو فَرْحُو يَا لَوْلَادْ الجَزائِرْ عُرَابية
فَرحو فرحو يا لَولاَدْ نرَدُّوهَا جُمْهُورِّية 
دْرَابُّونَا نَجْمَة وْهْلَالْ نَدِّيوْ لِيه نْسا ورْجال 
وْ الَّا مَكْفانَاشْ الحَال نزِيد لِينا الذُرِّية 
كي جَانَا شْيَّابْ الرَاسْ قلنا لَقَارْ خْلاصْ 
بن بلة وخُويَا عبَّاسْ الجَزائِر جُمْهُورية
يا بُومَعزة يا رْخيسْ نَعَّتْ القازْمَا الدِّفْدِيسْ 
و مَا فِيهَاشْ الجُنْدِيَّة 
يا بومعزة يا القُوَّادْ ونَعَّتْ القَازْمَا الدِّفَلْواد 
و ما فِيهَاشْ الجُندِية 
كي خْبَتْ العَمْرَاني خْبَتْ تحت القندولا 
قالو سَرْكْلي من تَمَّ نَشَبْعُوهْ الشيكولا 
كي خبت بَنْ عَلاَّوة وقَالْنَا نجيب الخَاوَة 
و الكوبتير فالسَّمَا تَتْهَاوَى علَى الربْعة الدَّلَعْشِية 
كي خْبت الفوغَالي وخبَت تحت ستُّوف 
قالو سرْكلي من تَم نْطلعُوه والناس تشوف 
كي خْبت الخَطابي قال نْجيب صْحَابي 
نْدَورهم بجنبي باشْ نطلع في قْرادي 
فرحو فرحُو يا لولاد الجزائر جُمهورية 
دُورناهَا بالدوَّار وسيَّرناها بالسيَّار 
نحينا جميع الغدَّار وبْقات دولَة إسلامية 
فرحو فرحو يا لولاد الجزائر عُرَابية

التسميات:

4 تعليق على "أغنية احمد الفن"

.
gravatar
Unknown يقول....
16 سبتمبر 2015 في 6:41 م

يعطيك الصحة من واحد من أبناء الحوط مازال حتى اليوم يطرب الطمينة و كي يروح للحوط يبكي على الأيام و كيف سارت الأحوال و صبحوا الخبثاء هم وأولاد البلاد

.
gravatar
Unknown يقول....
16 سبتمبر 2015 في 6:42 م

يعطيك الصحة من واحد من أبناء الحوط مازال حتى اليوم يطرب الطمينة و كي يروح للحوط يبكي على الأيام و كيف سارت الأحوال و صبحوا الخبثاء هم وأولاد البلاد

.
gravatar
غير معرف يقول....
29 أبريل 2020 في 3:47 م

يكفينا فخرا ان الموسطاش بومدين فوغالي .. ولو ان عرش بني فوغال حقا (خوباتة) كما تقول هذي الاغنية لما تم تشتيتهم وتهجيرهم قسرا من أراضيهم.. كل قباىل ولاية جيجل واجهوا الإستعمار ببسالة وشاركوا في تحرير وطنهم ..بلا مزايدات

أترك تعليقا

الاشتراك في: تعليقات الرسالة (Atom)

conter